Mising Anu Lutad, Lokimpur, 14, Julai :- Silo Uttor Lokimpur bangke agom kébang odokké Lokimpur mo:dum éla: mongke dokké bangke opín kébang MBK, MDK, TMPK, MMK, TMMK igurki Mising Agom Kéba:lok anu ki:ni mibangém toyumka.
MAK lok anu ki:ni miba:dok Kébang abu Mg. Horinarayon Pe:gu, Kébang abu oi Mg. Kalinath Panggíng, Kéba: nébíng Mg. Sumesor Koptak, Ager ajon Mg. Progres Médok, Mm. Dhonoprobha Mili Tao, Mm. Tuladoi Pa:yeng Taíd bulum toyumna borígsuka. Odokké bulum méngésudanna Lokimpur mo:dum agom kéba:lokkésin (লখিমপুৰ সাহিত্য সভা) toyumna aséngko asé:líkka.
Édé TOYUM kéba:do Lokimpur mo:dumlok aipé agom ager írga:pé gerjoné odokké mising agom gomlabsém mé:boné pinnyo burné tani:yé gíkumsula toyumnam ager taru:dém írga:moka. TOYUM kéba:do kébang abupé Mg. Trironjon Taídbí tedgurka. Mising agomsém írga:monam odokké turyarmonam léga:pé Anupé tolígnam Kébang abu Mg.Horinarayon Pe:gu, Kébang abu oi Mg. Kalinath Panggíng odokké méngésunam Nébíng Sumesor Koptak migom bulu aipé aré kané agomém lubika.
Mising agomsém turyarmonam légangé MAK lok anu mibangé kínggírupé agerém geryé émnasin lukanbika.
Lutad Tíkumsuné- Monturam Taíd
