Mising Anu Lutad, Gugamukh, 23 Januari 2025: Silo Dhemaji mo:dumlok gugamukh mo:léglok setiya do:lu:lo du:né RLRC lottalo rokom 9.30 koje dokké Mising Aí Ka:si:suné Milung-lok murko:bitékki UPSC éla: APSC couching la:péné ko:ko:néngém balennam ankangém langka.
Édé Balennam anka:do Mising Aí Ka:si:suné Milung-lok ru:tum Mg. Pormanondo Sayengiya-bí aíé dunggé:sula balennam ankangém kanggapsuka.
Ohom mimo:sok tadgénam ‘Motivational Speaker’ Onjon Shoudhuri odokké Gugamukh Kokejlok ru:tum Dr. Dilip Kr. Jha bínnyi tedgursula naré-pésampé APSC UPSC couching ipéné ko:ko:néngém balennam tarungém ai kampopé ipí:lboto.
Mising Aí Ka:si:suné Milu:lok murko:bitékki ‘Couching’ la:péné poriné ko:ko:néng balennam ankang taru:do RLRC lok Gerbo-migur Mg. Sotro Medok, Mising Aí Ka:si:suné Milu:lok Abu Sunil Kr. Pe:gu odokké MSKM-lok milung ajoné du:té:la balennam ankang tarungém írga:pé ipí:lboto émna kinna:dung.
