Mising Anu Lutad, Jan, 8 :- Bharot migomlok Department of Higher Education & Ministry of Education-yé CIIL (Central Institute of Indian Languages) Mysuru igurki Guwahati lu:jarlo du:né North Eastern Regional Language Centre (NERLC) -lo North Eastern-lok 20 kopé Bharot mo:rumlo du:né agom pe:lu:lok geryírsunam tarungém la:la longé appikopé Primer Development (Workshop on the Primer Development of 20 NEI languages) geryíraunam tarungém idung.
North Eastern-lok 20 kopé Mo:pín Agomém (Tribal Language) lukanpé - Mising, Anal, Deori, Gangte, Hmar, Kabui (Rongmei), Karbi, Koch, Lepcha, Liangmai, Limbu, Paite, Rabha, Rai, Sherpa, Tamang, Tiwa, Vaiphei odokké Zou agomlok dé Primer Development geryíraunam taru:dém idung.
Dé taru:do Mising Agom-lokké Resource Person-pé Mising Agom Kéba:lok MAK-lok Kébang Abu Oi Kalinath Panggíng-bí la: po:péké MAK-lok kéba: nébíng Dimbeswar Dole:bí geryírsukolo gídung émna kinna:dung.
Dé Agom geryírsunam taru:dé 8 January longkílokké 11 January longkílopé iyé émna kinna:dung.
Ménggappénam lutaddé sémpé CIIL-é 70 kopé Bharot mo:rumlo du:né agomki típumaula ajjo:né ko:ka:lokképé kabodopé potiném la:lenyé. Dé multilingual potindém Gonotontro longédo tamsaryé émna kinna:dung.
CIIL igurki inam sé Agom geryírsunam taru:sé NEP 2020 dok dungkampé ajjo:n ko:kangém ané agomki poné ko:kangém pokainam tarungídok tarung ako émnasin lulado.
