YUBDÍDO MÉ:PA:LA
Mrinangka Patir
Takomé ri:ri: momang
Go:yengé ni:tom tommang
Rémag jémagné yo yorangkolo.
Mo:písé yumngaksula dung
Yummé jíng émkodo
Ka:bekto kamponé dumsíkko
Ngok yupkodo.
Ma:nyíngéi ma dong amongéi !
Asiném anka:sula ka:namé
Po:péké do:yíngé
Mé:po:l yirnamé mé:dírla kabnamé
Ayang a:ng géma:né mé:pola gíma:né.
Yummiyé okola:n ringgo:la mato
Béryodla du:nékodan anpa:to
Yubdído bím mé:pala píangé píkang
Asin mé:namkodan attu:la du:pakkang.
Mising Anu Lutad, Ju:n, 2025
