Lékoda Lígangé Ogyab-gayabdung
Mg. Bhobo Dole:
Lékoda lígangé ogyab-ga:yabdung
Gene mo:písok do:mír kéígdo
Gínmur po:lodok daktog ésardo
Tagad-singgi appuné lí:jig lí:jigdung.
Lékoda lígangé ogyab-ga:yabdung
Mo:lung amo:lo pi:ro pi:mugé nébir birdolo
Da:níg nígla nígla amli: pidgoddolo
Da:níg nígla nígla amli: legoddolo.
Lékoda lígangé ogyab-ga:yabdung
Sí:sang sí:mílok asin ara:lo
Lígang appun pundung
Lígang arí namdung.
Lékoda lígangé ogyab-ga:yabdung
Purang akun kunla kunla
Po:ro-nogin kadla kadla
Po: ro-nogin kadla kadla.
Lékoda lígangé ogyab-ga:yabdung
Anu sí:rumlok mé:po sí:lu:do
Lé:nong-barbang démna démla
Dumdum-dumpag démla démla
Oi ni:tom tomla tomla gompod potkodo.
Lékoda lígangé asin pétta:pé dé:taksudung
Ri:bi gaséng gege:la dake: ke:la: ke:la gumragé moyatsudung
Gonro-ugon, mibu galug gége:la gumragé moyatsudung.
Lékoda lígangé asin ara:bok pongkeb pongkebdo
Parkeb perrebla para:dung ngosan-dínsanpé
A:népé biddung gumragé
A:népé biddung gumragé.
Lékoda lígangé pírnung dé:ran randung
Gumrag gumrag Obonori gumrag
Gumrag gumrag Bornoi gumrag
Gumrag gumrag siyang abung gumrag
Gumrag gumrag Bhoroli gumrag rag.
শব্দাৰ্থঃ Sí:mí - বয়স, Anu sí:rum - নৱ প্ৰজন্ম, Asin ara:bo - অন্তৰৰ গভীৰ কোনত, Pírnung - পখিলাৰ জাক
Mising Anu Lutad, February, 2025
