LAGIMANG NGOM SIDAG LÉDUPÉ
Horen Koptak
Lagimang lagimang
Nok ayangém
Sidag lédupé
Lagimang ngom
Miksi sibugém
Ayang alumém
Sidag lédudo
Lagimang ngom
Luyum moyumém
Mé:pa mé:líg
Kébang kumtomém
Angun ba:lígla
Angkéng kilígla
Kumnam nok
Do:sog yarungém
Lagimang ngom
Sormon miksi dínamém
Pagdan-yém gérumlang
De:lum alumko
Asin oyém u:rumlang
Kampon gasorko
Siko amo:bo
Ansí:pé yubnanéko
Mé:dan-yo no
Tébégné murkong mopidla
Dodgang usi: inamko
Pagyém mongablang
Étsango:pé
Turra du:dodoi
Mé:pa:tomang no
Murkongko érdumsula
Kinam ka:namko
Pí:toimang nokké
Lugé gékolo adíé
Su:pak okopén
Luyum lungamla
Ainékoai émnam
Luyit mé:yiddém
Lagimang lagimang
Okkomsin lagimang
Sidag lédupé
Golongko íglang
Goparko parrang
Adíko la:lensul
Lékkongkoi gílang
Sinam dumsígdémméi
Yaloko lattumnang
Kapila:né?
– Lékoda ngo
Gílatkuma:bong dong amo:pé!
Mising Anu Lutad, February, 2025
