ADÍ KÉRLUMLO LÍGANG
Mg. Bhobo Dole:
Gené mo:písok adí kérlumlo
Singgi -Tagad appun pundodo
Mo:pí i:bung bu:la sí:togné sí:mísé
Ya:me me:la simad maddung
Mímbír bírla simad maddung.
Gínmur po:lodo daktog ésar sardung
Kamro ékkamé gumrag so:dung
Mímbír dumgagdo kédang pundung
Ya:méyé mérpun é:dung.
Mo:lung among burdolo
Pi:ro-pi:mugé nébir-ba:birdolo
Sídbo abu - sídbo anébí
Da:níg nígla nígla amli: pidgoddung
Da:níg nígla nígla amli: pidgoddung.
Lé:nong barbangé déma:dolo
Dumdum dumpagé bénga:dolo
Asin péttangé dé:ran randung
Asin péttangé dé:ran randung.
Angngo anbeg aléblo pinnyo burdolo
Anu sí:rumlok alaglo lakpumé
Anu sí:rumlok tukkulo mérpuné
Ri:bi-gaséng lí:jíg lí:jígé
Mibu galug gonro-ugoné kangkan ka:yumé
Kangga alotpé léngkanbidung
Dírbí kangkiném léngkanbidung.
Kangga alotpé léngkanbiduné.
Anu sí:rumlok tukkulo mérpuné
Anu sí:rumlok alaglo lakpumé
Dake: ke:la: ke:la gumragé
Dake: ke:la: ke:la gumragé.
Daktog ésardo lakke:ki yanyo yonna yonna
Ngosan-dínsané,purang-apong apiné
Bornoi a:nép biddung
Obonori a:né biddung.
Gumrag gumrag Obonori gumrag
Gumrag gumrag Bornoi gumrag
Gumrag gumrag siyang abung gumrag
Gumrag gumrag Jonai gumrag rag.
শব্দাৰ্থঃ
Sí:mí-বয়স, Pinnyo-মগজু, Burmodung- উৰ্বৰ, Lenríng-পটভুমি, Anbeg-অনুভুতি, Kangga alod- প্ৰতীক চিহ্ন, Anu sí:rum-নৱ প্ৰজন্ম, Angngo anbeg aléblo-পঞ্চ ইন্দ্ৰিয়, í:rdí- উৎসৱ
Mising Anu Lutad, February, 2025
