Digital Desk Jan, 23 : Ohom mimongé 22 January 2024 longkí ba:nam mimong kebine:dlo bojeko ainé tarungém ru:sékto émna kinnadung. 22 January longkílo Ayodhya amo:lo molígnam “Ramlalla Pran Prothistha” tamsar longélo Ohom mimong kebiné:dé ba:la ainé ainé tarungém ru:sékto. 22 January longkídé Ohom manggom Bharot mo:rumosokképé ainé longémang, takam mo:pí mo:rumsokkéipéi ainé longéyé émna dé longédé ainé tarungém Himonto Biswa Sharma-ké migomé kebine:dlo írga:né tarungém ru:sékto.
Dé tarungkídí:dé -
Gohpur mo:taglo Lo:yid Kanaklata Barua State University-ém molígyé. Molígnam taru:dok bill-dém a:péné budget ké:ba:lo lupayé.
Migom sakori binam taru:lok apusugomné ager kídí:dém la:paggela segrio:pé binam légangé ainé tarung ru:lenam taru:dé a:péné budget ké:balo lupayé.
Mission Basundhara 2 ara:lo 2,29,629 kopé tani okum éra:lok among pottangém biyé.
BTR-lok aí ka:sísunan Milungém 400 kuti kopé murkongém biyé.
Kolejlo Poyirné ila:nané kakam kané Poyirné ope:yém bottéya:né yammínlo:pé tosa:lígnam tarungém ru:sékto.
A:péné 22 February longkílo takam Ohom kebine:d Mirung opeyé Ayodhya amo:lo du:né “RAM MANDIR” ém kangkolo gínam tarungém ru:sékto.
