Digital Desk Jan, 22 : Gohpur amo:lo du:né réngamképé aipé mé:yumsupénam lutatko. Silo akon longélo ba:nam Ohom mimong kebinedlo (Cabinet) aipé aré kané tarungko ru:sékto. Siloké kebine:dlo Gohpur mo:taglo “Lo:yid Kanaklata Barua State University” ém molígyé émna ru:sékto.
Dokkésin siloké Ayodhya amo:lo tomsarnam “Ram Mandir” ém kangkolo:pé takam Ohom kebine:dlok mirung mibangé 22 February longkílo gíyé émna ru:sékto.
Mission Basundhara ara:lo 2,29,659 kopé tani éra:lok among pottangém biyé émna lupato. Odo ara:do 84% kopé ST, SC odokké OBCC opínlok taniyé kadung.
Migom agere gerné (sakori) binam taru:lo aipé apusugomné agerkídí:dém segrio:pé gernam légangé lomdanna ainé anu tarung ru:lennam lutadém lusarbiyé émna kinmodung.
Ohom mimong kebine:dlok sé aré kané agomkídí:sém Press meet mola kinmoto mirung Joyontomollo Borua-bí
