Mising Anu Lutad, Nobembor 04 :- Ohom mimosok aipé adjo adkabla adné tadgénam mitom, poyirné Jugen Taid-ké aipé botta:né kinamko a:dung. Mitom Taid-ké bottané kinamdé a:la supak bím Guwahati bomje: lu:jarlo du:né Dr. B. Boruah Cancer Hospital-lo admit-la médtung.
সৰিয়হ ৰখীয়া এজনী গাভৰু, আজি ৰাতি থাকি যোৱা হ'লে, émnam mé:tom potinkídídém adlenné mitom Jugen Taid-bí supak kinamé a:la molama:pé ila dung.
Mitom Taid-ké kinamdém ka:pítkupé bojerungko murkongém lagidung. Aíké okum érango:dok murko:dé pí:ma:pé idung. Dépila kinamdém ka:pítkunam léga:ngé réngam nolukkélok aya:la ka:dumsunamko aipé lagidung.
Arodém lukapé gímílo réngam nolukkélok aya:la bidumaunam ma: murkongko aipé Mitom Jugen Taidmé lagidung.
Mitom Taidmé Ohomsok mitom ajon ope: odokké bím aipé mé:né appíngé abar barnyi:ko bidumsudaggom kinamdém ka:pítkupé bojeko pí:ramdung.
Ohomsok Takam Mising Poyirné Ope:ésin mitom Jugen Taid-ké kinamdém ka:dunsunam légangé ma:murkongém abar barnyi:ko tukímaunam tarungém ila: dung.
Tani:é tani: léga:pé émna a:ng asinki appíngé kajé mitom Jugen Taid-mé bíkké kinamdém ka:pídladokupé ngolu appíngé ka:dumsula:je.
Mising Gomlab mo:pílo la: Ohomiyang Gomlab mo:pílo mitom Taid-ké bojerungko contribution-é dung. Tatpo tadanné popo ponganné bojerungko Misingé la: Ohomiyang mé:tomé dung.
Mitom Jugen Taid-ké kinamdém lomdanna aimogortokuika émna ngolukké Mising Anu Lutad Ope:lokkésin ru:né pínékélopé kumpa:bidung. Bím lomdanna aimotéikuika. Réngama nolusin appíngé ru:né pínémé kumpa:bitéika émna kumpadung.
Jugen Taidmé murkong bidumsupé mé:né kídíngé kéíkké Bank Account nombor-lo bilayé.
A/C Holder: Jogen Taid
A/C No:- 11015793296
Bank: State Bank of India
IFSC: SBIN0000145
Branch: North Lakhimpur
Google Pay No: 7086180839
