Digital Desk, Sept 15 :- Internet-é éddíko upgrade-la gíduji odokíddíko smartphone use-nésin aba:tíla gídung. Siyum siro mobile kama:pé turra du:la:nam agomko mé:líglamang. 2G, 3G dokké upgrade-la 5G lopé píngka:bong. Internet upgrade-kamípé smartphone-ém use-nésin bojedung. Émpigela aipé mé:dírpénam lutatko 2023 so:ndokké smartphone-é yogyékubo émna lupadung Microsoft-dok malik Bill Gates-bí.
Méngkala kangkítok su:k anu adí:so mobile- kama:pé sé:konu du:layén. Alag lakke:lo mo:pí:sok lutadém pa:ladag. Mobile company-kídí:dé anu anu technology-ém ilígla tani:lok manam appí:dém mobile-lo pa:ladopé ibido adí:do mobile yognam do:yí:dém kapé mé:líglayén. Aipé mé:mi:pénamé.
Aro:rupéi smartphone-é yogyén. Smartphone yognam do:yí:dé yirkandaggom éddíng arro. Microsoft dok malik Bill Gates-bí technology develop-namsém ka:la data-ékké bila lubidung a:péné longékídí:do mobile phone-kídísé aso: aso:pé yoga:suyé.
Technology develop-namém ka:la Bill Gates-bí lupadung a:péné longé kídí:do mobile-ém bomma:pé electronic tattoo-ém tani: ope:é bomyékubo. Electronic tattoo-ém "CHAOTIC MOON" émnam company-dé la:lendung. Biotechnology ki tattoo dém la:lenyé. Dé lendag lédupé bojarlokké aíwé mobile phone-kidí:dém réné kakuma:pé iyé.
Édé tatto-dé tani amírrok data-ém langkumsudag. Odok lutégém company-kídí anka:la kang-gela la:lenyé émna kinnadung. 2030 dítag ara:do mobile-ém mépaggela smart sosomang odokké angu angu anu atta:rém use:yékubo.
Tani: amírro connection-kané technology-ém a:péné longékídído use-yékubo émna pinnyo burné ami: lupadung.
