Mising Anu Lutad, 10 August :- Assam mi:mo:sok tani: réngamé loddém laginam atta:rrok arré boje:badla donam-tí:nam léga:pé murkong kama:la ngasodla du:do ayirdo Assam mimo:sok (Assam Cabinet Meeting) Assam mirung kébangém mo:rumsok (Rajdhani) migom dungko Delhi-lo réngam murkongém murpagla mirung kébangém ba:nam taru:dém aimang odokké ngasod ara:so bojeko mukongém murpagla mirung kébangém ba:namdé réngamém moyudnam tarung kéba:pé idung émna silo MP Gaurav Gogoi-bí kíbggí:pé BJP migomém lure:la luto.
"Symbolic cabinet" ila: réngamé aidag émyépé émna Delhi-bo gídanna 5 star hotel-lo ajjouné agomdém ru:sukolo gígela yumédo adda marila dungai émnasin MP Gogoi-bí lure:la lunamém ka:padung.
Réngamé Tax, GST, Tool atí atí-lo binam réngam murkong kídí:dém BJP migomém doman-tímanyépé émna bimamg. Sémpé Réngam murkongém murpagnamdé airupéi aimané ageré. Kinsu:né réngamésin édémbulum kanggabla motumnam tarungko ipé laigdag.
