Mising Anu Lutad, Lakhimpur, 17 August :- Silo 17 August 2023 Uttor Lakhimpur Bangke Agom kébang odokké TMPK Town Mibang igur mogurki AGOM MIGANG TABURAM TAÍD ké Mé:pang Kumtom longém moí:rka.
Mé:pang kumgod kumgodboka Mg. Bibhishan Pe:gu bí. Bí kumgodbogela agom Migang Taburam Taíd ké po:péké aipé írga:né doyingém odokké bík yalodé uyu amo:bo du:daggom ngolum ka:la du:langka émna luboka. Bím gérdumsuka NL BAK lok Kébang abu Triranajan Taíd odokké Binapani pe:gu Mili-bí.
Siloké AGER TARUNG kéba:do kébang kungkédém tédgurka Mg. Progress Médok migombí. Lugur Lula pogurka Mg. Gubin Noro migombí. Ménggésula goglígnam mité mopun Miyum Rita Devi Médok-bí Taburam Taíd-ké lédulo Monam ni:tomém odokké turying agomém lubila aipé í:r pongkírmoto.
Lujígla lujarém lubika Mg. Khagen Pe:gu-bí. Goglígnam Míté: Minom - Mg. Debananda Mili. Mg. Debakanta panggíng bulusin agom Migang Taburam Taíd-ké po:péké do:yingém kíbíka.
Dok lédulo mitom kébangémsin bangka.
Goglígnam Mitomkídí:dé - Mg. Kritinath Pa:yéng Mg. Minangko Pa:tir, Mg. Anubhab Priyam Miri, Mg. Manturam Taíd, Mg. Tapan Lal, Mimé Kalpana Dole: Panggíng bulu ainé ainé mé:tomém pobila kébang taru:dém irga:moto.
Mopun mitom Minangko Pa:tir-bí Oi Ni:tom, Anu Ni:tom kokki mé:pa kumtom kébang tarungém motér boka.
Siloké sé kéba:sém Lakhimpur Mo:dumlok du:né ménggésunam Minom, porila du:né takam ko:ko:néngé gídumsula ír pongkírpé moí:rboka.
Lutad Tíkumsuné - Monturam Taíd
