RONGNGAM
Tuniram Médok
Rongngamé ngok asin ara:bo
Okum molígéila:song,
Urradné kídí:dé
Yeru:so anguru:pé ngoma:dung.
Rongngamém mala yumrangé
Gígéndung ka:pí:la:ma:pé,
Dularu:ma:la urratpé
Dígín tangaré:sin miksi dítíla dung.
Dité:té:sin rongngmém ménmínla
Gejigné amliém lo:dísim pijerdung,
Talé:té:sin adí ma:nyingém ma:mínla
Rongngan okumé
bennyagdung.
Urradé silo íngkolo kaman !
Dité:té urradé,Do:mírté urradé,
Among-asié urradé,
Urradé appí:sé.
Lupénam agomém lukinma:la
Tadla:ma urradé-
Rongngam bédangko lubipé mala
Matíla dung ngo darkoksuné asinko.
Mising Anu Lutad, Julai, 2025
