Digital Desk :- 2023 dítaksok Gomlab Nobel Aman (Nobel Prize in Literature) dém Norway-lok gomlab migang Jon Fosse-mé bito. Jon Fosse ké adlennam Do:sog odokké Gomsar pílennamdok léga:pé mo:písok béttéyapagné gomlab aman Nobel amaném pa:tung. Jon Fosse ké adnamkírído lumanam agom gomugém tadbegdag. Nobel mibangésin ménggédanna toríksudung Jon Fosse ké Do:sogé la: Do:ying kírídé bulum a:ng asin bidung sé:kébulu aíké agomém lulama:pé du:ji bulukké gomugém bé:lenmodung. Stockholm-lo du:né Swedish Academy-é Norway-lok Adné Jon Fosse-ké "Voice to Unsayable" (Lulaman agomlok gomugém tadbegmonam) léga:dok sukké 2023 Gomlab Nobel Amaném bitung.
1959 dítagdik 29 September longkí Norway-lo onam Jon Fosse-bí aipé adjo adlabla adjoné Gomsar odokké Do:sok Adjonéko. Bí ajjoudagdo accident-lokké basikang. Odok do:ying appídém bíkké adnamkídído ka:begdung. 1983 dítagdo Red, Black émnam Do:yardé Jon Fosse-ké adlenponam do:yaré. Jon Fosse-bí Do:yar, Do:ying, Gomsar, Mé:tom, Do:sogémbulum attung.
Norway-lok Gomlabé la: dírbí ape:lokké ménggésunam Jon Fosse-ké 64 turtakko ika:bo. Norway-lokké Gomlab aman pa:né bím lutéla appi:ko ika:bo. Fosse-ké adlennamém mo:písok 40 kopé agomlo atsonsunamé ika:bo.
