Mising Anu Lutad, Sept. 23 :- A:péné 1 oktubor longkílokké Osomsok appíng poyirné ope:é bulukké pogolo du:namdém "Shiksha Setu" émnam app/portal-do online-pé bipayé émna lupato Osom mimo:sok kin-go mirung Dr. Ronuj Pe:gu-bí.
Silo social media kéra:lo kin-go mirung Dr. Ronuj Pegu-bí Shiksha Setu app dok technical agom appí:dém bérokpé lubito. Osomsok kin-go pe:lo:lo du:né kíkum 49,21,188 kopé poriné ko:ko:néng ara:lo 43,02,354 kopé ko:ko:néngé aíké ri:dor moimangé katédopé Shiskha Setu app-do bulukké du:namém online-pé bitung.
Poriné ko:ko:néng kídí:dok kisapé a:péné 1 oktubor longkílokké Poyirné ope:ésin bulukké aíké pogolo du:namém online-pé bipayé émna kin-go mirung Dr. Ronuj Pegu-bí kinmoto.
